പുനര്നിര്മാണത്തിന് ഫണ്ട് സ്വരൂപിക്കാന് പ്രത്യേക ലോട്ടറി
തിരുവനന്തപുരം: (www.kvartha.com 21.08.2018) പ്രളയക്കെടുതി നേരിടുന്നതിനും കേരളത്തിന്റെ പുനര്നിര്മ്മാണത്തിനും പണം സമാഹരിക്കുന്നതിന് പ്രത്യേക ലോട്ടറി ആരംഭിക്കാന് സര്ക്കാര് തീരുമാനം. അധിക വിഭവസമാഹരണത്തിനുളള നടപടികളുടെ ഭാഗമായി സംസ്ഥാന ജിഎസ്ടി തുകയ്ക്കു മേല് 10 ശതമാനം സെസ് ചുമത്താന് അനുവദിക്കണമെന്ന് ജിഎസ്ടി കൗണ്സിലിനോട് ആവശ്യപ്പെടാന് തീരുമാനിച്ചു.
ഇതരസംസ്ഥാനങ്ങളും സന്നദ്ധസംഘടനകളും വ്യക്തികളും മുഖ്യമന്ത്രിയുടെ ദുരിതാശ്വാസനിധിയിലേക്കുളള ഫണ്ടിനു പുറമെ നല്കുന്ന സാധനസാമഗ്രികള് വ്യക്തമായ വ്യവസ്ഥയോടെ സ്വീകരിക്കാനും അവ ദുരിതാശ്വാസ ക്യാമ്പില് കഴിയുന്ന അര്ഹതപ്പെട്ടവര്ക്ക് വിതരണം ചെയ്യാനും തീരുമാനിച്ചു. തികയാത്ത സാധനങ്ങള് സംസ്ഥാന ദുരന്തനിവാരണ ഫണ്ട് ഉപയോഗിച്ച് ലഭ്യമാക്കും.
രക്ഷാപ്രവര്ത്തനം നടത്തിയ മത്സ്യത്തൊഴിലാളികളെ പൊതുചടങ്ങില് ആദരിക്കുമ്പോള് അവര്ക്ക് എസ്ഡിഎംഎയുടെ സര്ട്ടിഫിക്കറ്റ് നല്കാന് തീരുമാനിച്ചു. രക്ഷാപ്രവര്ത്തനത്തില് പങ്കാളികളായ ആര്മി, നേവി, എയര്ഫോഴ്സ്, കോസ്റ്റ് ഗാര്ഡ്, എന്ഡിആര്എഫ്, സിആര്പിഎഫ്, ബിഎസ്എഫ് എന്നിവയിലെ അംഗങ്ങളെ പൊതുചടങ്ങില് ആദരിക്കും. രക്ഷാപ്രവര്ത്തനത്തില് ഏര്പ്പെട്ട പോലീസ്, ഫയര്ഫോഴ്സ്, റവന്യൂ, തദ്ദേശസ്വയംഭരണ സ്ഥാപനങ്ങള് തുടങ്ങിയ വിഭാഗങ്ങളിലെ ഉദ്യോഗസ്ഥരെയും അഭിനന്ദിച്ച് എസ്ഡിഎംഎയുടെ സര്ട്ടിഫിക്കറ്റ് നല്കും.
പ്രളയദുരിതം കണക്കിലെടുത്ത് സംസ്ഥാനത്തെ മുഴുവന് തോട്ടം തൊഴിലാളികള്ക്കും 15 കിലോ വീതം സൗജന്യ റേഷന് അനുവദിക്കും. പാലക്കാട് നെന്മാറ അളവുശ്ശേരിയില് ഉരുള്പൊട്ടലില് ഒരു കുടുംബത്തിലെ അഞ്ച് പേര് മരിച്ച സംഭവത്തില് ഗുരുതരമായ പരിക്കുകളോടെ രക്ഷപ്പെട്ട അഖിലയുടെ (24 വയസ്സ്) ചികിത്സയ്ക്ക് മുഖ്യമന്ത്രിയുടെ ദുരിതാശ്വാസനിധിയില് നിന്ന് ഏഴു ലക്ഷം രൂപ അനുവദിക്കും.
കേന്ദ്ര ഡെപ്യൂട്ടേഷന് കഴിഞ്ഞുവരുന്ന ഡോ. എ ജയതിലകിനെ കായിക യുവജനക്ഷേമ വകുപ്പ് പ്രിന്സിപ്പല് സെക്രട്ടറിയായി നിയമിക്കാനും സര്ക്കാര് തീരുമാനിച്ചിട്ടുണ്ട്.
Keywords: Kerala, Thiruvananthapuram, News, Lottery, Flood, CM, Pinarayi vijayan, Funds, Special Lottery for flood relief.
ഇതരസംസ്ഥാനങ്ങളും സന്നദ്ധസംഘടനകളും വ്യക്തികളും മുഖ്യമന്ത്രിയുടെ ദുരിതാശ്വാസനിധിയിലേക്കുളള ഫണ്ടിനു പുറമെ നല്കുന്ന സാധനസാമഗ്രികള് വ്യക്തമായ വ്യവസ്ഥയോടെ സ്വീകരിക്കാനും അവ ദുരിതാശ്വാസ ക്യാമ്പില് കഴിയുന്ന അര്ഹതപ്പെട്ടവര്ക്ക് വിതരണം ചെയ്യാനും തീരുമാനിച്ചു. തികയാത്ത സാധനങ്ങള് സംസ്ഥാന ദുരന്തനിവാരണ ഫണ്ട് ഉപയോഗിച്ച് ലഭ്യമാക്കും.
രക്ഷാപ്രവര്ത്തനം നടത്തിയ മത്സ്യത്തൊഴിലാളികളെ പൊതുചടങ്ങില് ആദരിക്കുമ്പോള് അവര്ക്ക് എസ്ഡിഎംഎയുടെ സര്ട്ടിഫിക്കറ്റ് നല്കാന് തീരുമാനിച്ചു. രക്ഷാപ്രവര്ത്തനത്തില് പങ്കാളികളായ ആര്മി, നേവി, എയര്ഫോഴ്സ്, കോസ്റ്റ് ഗാര്ഡ്, എന്ഡിആര്എഫ്, സിആര്പിഎഫ്, ബിഎസ്എഫ് എന്നിവയിലെ അംഗങ്ങളെ പൊതുചടങ്ങില് ആദരിക്കും. രക്ഷാപ്രവര്ത്തനത്തില് ഏര്പ്പെട്ട പോലീസ്, ഫയര്ഫോഴ്സ്, റവന്യൂ, തദ്ദേശസ്വയംഭരണ സ്ഥാപനങ്ങള് തുടങ്ങിയ വിഭാഗങ്ങളിലെ ഉദ്യോഗസ്ഥരെയും അഭിനന്ദിച്ച് എസ്ഡിഎംഎയുടെ സര്ട്ടിഫിക്കറ്റ് നല്കും.
പ്രളയദുരിതം കണക്കിലെടുത്ത് സംസ്ഥാനത്തെ മുഴുവന് തോട്ടം തൊഴിലാളികള്ക്കും 15 കിലോ വീതം സൗജന്യ റേഷന് അനുവദിക്കും. പാലക്കാട് നെന്മാറ അളവുശ്ശേരിയില് ഉരുള്പൊട്ടലില് ഒരു കുടുംബത്തിലെ അഞ്ച് പേര് മരിച്ച സംഭവത്തില് ഗുരുതരമായ പരിക്കുകളോടെ രക്ഷപ്പെട്ട അഖിലയുടെ (24 വയസ്സ്) ചികിത്സയ്ക്ക് മുഖ്യമന്ത്രിയുടെ ദുരിതാശ്വാസനിധിയില് നിന്ന് ഏഴു ലക്ഷം രൂപ അനുവദിക്കും.
കേന്ദ്ര ഡെപ്യൂട്ടേഷന് കഴിഞ്ഞുവരുന്ന ഡോ. എ ജയതിലകിനെ കായിക യുവജനക്ഷേമ വകുപ്പ് പ്രിന്സിപ്പല് സെക്രട്ടറിയായി നിയമിക്കാനും സര്ക്കാര് തീരുമാനിച്ചിട്ടുണ്ട്.
Keywords: Kerala, Thiruvananthapuram, News, Lottery, Flood, CM, Pinarayi vijayan, Funds, Special Lottery for flood relief.
Powered by Info News For You
Comments
Post a Comment