മലപ്പുറം മമ്പാട് ഭൂചലനം: കുടുംബങ്ങളോട് ബന്ധു വീടുകളിലേക്ക് മാറാന് നിര്ദ്ദേശം
മലപ്പുറം (www.evisionnews.co): മമ്പാട് പൊങ്ങല്ലൂര് അണ്ടിക്കുന്നില് നേരിയ ഭൂചലനമുണ്ടായെന്ന സംശയങ്ങളെത്തുടര്ന്ന് റവന്യൂ സംഘം പരിശോധന നടത്തി. ഇവിടത്തെ കുടുംബങ്ങളോട് ബന്ധുവീടുകളിലേക്ക് മാറിത്താമസിക്കാന് നിര്ദ്ദേശം നല്കി. രാത്രി പത്തുമണിയോടെയാണ് സംഭവം. പ്രദേശത്ത് മൂന്നു തവണയായി വലിയ ശബ്ദം കേട്ടിരുന്നതായി നാട്ടുകാര് പറയുന്നു. രാത്രി ഒന്പതോടെ നിരവധിയാളുകള് ഇവിടെ തടിച്ചു കൂടി. കലക്ടറേയും തഹസില്ദാരെയും വിവരം ധരിപ്പിച്ചു. നിലമ്പൂര് ഡെപ്യൂട്ടര് തഹസില്ദാരുടെ നേതൃത്വത്തില് ഉദ്യോഗസ്ഥരെത്തി പരിശോധന നടത്തുകയായിരുന്നു. ഒരുവീടിന് വിള്ളല് കണ്ടെത്തിയിട്ടുണ്ട്. ശനിയാഴ്ച വിദഗ്ധ പരിശോധനകള് നടത്തും.
Powered by Info News For You
Comments
Post a Comment