തമ്മനത്ത് മീന് വിറ്റ കോളജ് വിദ്യാര്ത്ഥിനി ഹനാനെ സര്ക്കാര് സംരക്ഷിക്കുമെന്ന് മുഖ്യമന്ത്രി
കൊച്ചി (www.evisionnews.co): തമ്മനത്ത് മീന് വിറ്റ കോളജ് വിദ്യാര്ത്ഥിനി ഹനാനെ സര്ക്കാര് സംരക്ഷിക്കുമെന്ന് മുഖ്യമന്ത്രി പിണറായി വിജയന്. തനിക്കെതിരെ നടന്ന സൈബര് ആക്രമണത്തിലെ പ്രതികളെ പോലീസ് പിടികൂടിയതിലും സര്ക്കാരിന്റെ പിന്തുണയിലും നന്ദി അറിയിക്കാന് മുഖ്യമന്ത്രിയുടെ വസതിയില് എത്തിയതായിരുന്നു ഹനാന്. 'ഹനാന് വന്നു കണ്ടിരുന്നു. മന്ത്രിസഭായോഗം കഴിഞ്ഞെത്തിയപ്പോഴായിരുന്നു ഹനാന് വന്നത്. ആ കുട്ടിയുടെ മുഖത്തെ ചിരി കണ്ടപ്പോള് സന്തോഷം തോന്നി. പഠിക്കാനും ജീവിക്കാനുമായി തൊഴിലെടുക്കുന്ന വാര്ത്ത വന്നതിന്റെ പേരില് കടുത്ത സൈബര് ആക്രമണം നേരിട്ട കുട്ടിയാണ് ഹനാന്. അന്ന് സര്ക്കാര് ഹനാന് എല്ലാ സംരക്ഷണവും ഉറപ്പാക്കിയിരുന്നു.
സര്ക്കാരിന്റെ എല്ലാ സംരക്ഷണവും ഉണ്ടാകുമെന്ന് കുട്ടിക്ക് ഉറപ്പു നല്കി. ഉദ്യോഗസ്ഥര്ക്ക് ഇതു സംബന്ധിച്ച നിര്ദ്ദേശം നല്കിയിട്ടുണ്ട്. നല്ല ധൈര്യത്തോടെ തന്നെ മുന്നോട്ടു പോകാന് ഹനാനോട് പറഞ്ഞതായും മുഖ്യമന്ത്രി ഫേസ് ബുക്ക് പോസ്റ്റിലൂടെ വ്യക്തമാക്കി. സോഷ്യല് മീഡിയയിലൂടെ ഹനാനെ അധിക്ഷേപിച്ച മൂന്നുപേരെ പോലീസ് അറസ്റ്റ് ചെയ്തിരുന്നു. ഇതില് ഒരാളെ കോടതി റിമാന്ഡ് ചെയ്തിട്ടുണ്ട്. കേസില് ഇനിയും അറസ്റ്റുണ്ടാകുമെന്ന് പോലീസ് അറിയിച്ചു.
Powered by Info News For You
Comments
Post a Comment