ഡോ: ഡി. സജിത് ബാബു കാസര്കോട് കലക്ടറായി ചുമതലയേറ്റു
കാസര്കോട് (www.evisionnews.co): ജില്ലയുടെ 23മത് കലക്ടറായി ഡോ. ഡി. സജിത് ബാബു ചുമതലയേറ്റു. തിരുവന്തപുരം വട്ടിയൂര്കാവ് സ്വദേശിയായ സജിത് ബാബു സഹകരണ സംഘം രജിസ്ട്രാറായി പ്രവര്ത്തിച്ചുവരികയായിരുന്നു. അസാപ് സിഇഒ, റവന്യൂ വകുപ്പില് ദുരന്തനിവാരണവിഭാഗം ഡയറക്ടര്, സെക്രട്ടറി, ഐഎംജിയില് ലാന്റ്ഗവേണന്സ് കോ-ഓഡിനേറ്റര്, ഡപ്യൂട്ടി കലക്ടര്, സ്റ്റേറ്റ് ലാന്റ് ബാങ്ക് സ്പെഷ്യല് ഓഫീസര്, റവന്യൂവില് സ്റ്റേറ്റ് ഐടിസെല് നോഡല് ഓഫീസര്, കേരള കാര്ഷിക സര്വകലാശാല അസി. പ്രൊഫസര്, കോര്പ്പറേഷന് ബാങ്ക് ഓഫീസര്, സ്റ്റേറ്റ് ഹോര്ട്ടികള്ച്ചര് പ്രോഗ്രാമില് ട്രെയിനിംഗ് കോ-ഓഡിനേറ്റര് തുടങ്ങിയ തസ്തികകള് വഹിച്ചിട്ടുണ്ട്.
ലാന്റ് ബാങ്ക് സ്പെഷ്യല് ഓഫീസറായിരിക്കെ 2011ല് മുഖ്യമന്ത്രിയുടെ പ്രഥമ ഇന്നോവേഷന് അവാര്ഡും 2012ല് ജില്ലാ പ്രൊജക്ട് നിര്വഹണത്തിന് മുഖ്യമന്ത്രിയുടെ മെറിറ്റ് സര്ട്ടിഫിക്കറ്റും ലഭിച്ചു. ഇ-ഗവേണന്സ്, ലാന്റ് ഗവേണന്സ്, സര്വീസ് ഡെലിവറി മാനേജ്മെന്റ് മേഖലയില് ഗവേഷകനാണ്. നിരവധി വിഷയങ്ങളില് ബിരുദാനന്തര ബിരുദവുമുളള അദ്ദേഹത്തിന് അഗ്രോണമിയിലാണ് ഡോക്ടറേറ്റ് ലഭിച്ചത്. ഭാര്യ: ബിന്ദു, വിദ്യാര്ത്ഥികളായ രണ്ടുമക്കളുണ്ട്.
Powered by Info News For You
Comments
Post a Comment