തകര്ന്നത് 34,732 കി.മീ റോഡും 218 പാലങ്ങളും: ശരിയാക്കാന് ഒന്നര വര്ഷമെടുക്കും, 6000കോടി രൂപയും
(www.evisionnews.co) സംസ്ഥാനത്തെ പിടിച്ചുമുക്കിയ മഹാപ്രളയത്തില് 34,732 കിലോമീറ്റര് റോഡും 218 പാലങ്ങളും തകര്ന്നു. ഇവ നന്നാക്കിയെക്കാന് 5815 കോടി രൂപയോളം വേണ്ടി വരുമെന്നാണ് കണക്കുകള് സൂചിപിക്കുന്നത്. തകര്ന്നവ പുനര്നിര്മിച്ച് പരിപൂര്ണ പ്രവര്ത്തനയോഗ്യമാക്കാന് കുറഞ്ഞത് ഒന്നര വര്ഷമെങ്കിലും വേണ്ടി വരും. പൊതുമരാമത്ത് വകുപ്പിന്റെ കണക്കുകൂട്ടലാണിത്.
നിലവിലുള്ള റോഡ് വികസന പദ്ധതിയെ ബാധിക്കാത്ത രീതിയില് 5000 കോടി രൂപ കണ്ടെത്തലാകും സര്ക്കാരിന് മുന്നിലുള്ള വലിയ വെല്ലുവിളി. അതേസമയം പൂര്ണമായും തകര്ന്ന റോഡുകളും പാലങ്ങളും പെട്ടെന്ന് പുനര്നിര്മിച്ച് നല്കാന് ആയിരം കോടി രൂപ ഇതിനോടകം തന്നെ അനുവദിച്ചിട്ടുണ്ട്.
പത്തനംതിട്ട, തൃശൂര്, ഇടുക്കി എന്നീ ജില്ലകളിലാണ് ഏറ്റവും കൂടുതല് നാശനഷ്ടമുണ്ടായിരിക്കുന്നത്. ചെറിയ റോഡുകള് മുതല് നാഷണല് ഹൈവേകള് വരെയാണ് പുനര്നിര്മ്മിക്കാനുള്ളത്. റോഡുകള്ക്ക് മാത്രം 4978 കോടി രൂപ വേണ്ടി വരുമെന്നാണ് കണക്കുകൂട്ടലുകള്. പാലങ്ങള് നന്നാക്കാന് 293 രൂപയുമാണ് ആവശ്യം. ഇതിന് പുറമെ തകര്ന്ന സര്ക്കാര് കെട്ടിടങ്ങള് നിര്മ്മിക്കാനും പണം കണ്ടെത്തേണ്ടതുണ്ട്.
Powered by Info News For You
Comments
Post a Comment