കവി പ്രഭാവര്മയ്ക്കും സംഘ പരിവാര് ഭീഷണി
തിരുവനന്തപുരം: (www.kvartha.com 24.07.2018) 'മീശ' എന്ന നോവലെഴുതി വിവാദത്തിലായ ഹരീഷിന് പിന്നാലെ കവി പ്രഭാവര്മയ്ക്കും സംഘപരിവാര് ഭീഷണി. ഈ ലക്കം കലാകൗമുദി വാരികയില് വന്ന 'ഗീത, ദൈവദശകം, സന്ദീപാനന്ദഗിരി' എന്ന ലേഖനമെഴുതിയതിനാണ് പ്രഭാവര്മയ്ക്ക് ഫോണിലൂടെ ഭീഷണിയുണ്ടായത്. ഇക്കാര്യം ഫേസ് ബുക്ക് പോസ്റ്റിലൂടെയാണ് പ്രഭാവര്മ പുറംലോകത്തെ അറിയിച്ചത്.
ചാതുര്വര്ണ്യത്തെ സംരക്ഷിക്കുന്നതിനാല് ശ്രീനാരായഗുരുവും സ്വാമി വിവേകാനന്ദനും ഭഗവത്ഗീതയോട് വിമര്ശനാത്മക സമീപനം സ്വീകരിച്ചിരുന്ന കാര്യം ലേഖനത്തില് പ്രതിപാദിച്ചതാണ് ഭീഷണിക്ക് കാരണമെന്ന് പ്രഭാവര്മ പറയുന്നു. ''ഭഗവദ് ഗീതയെ കുറിച്ച് ഇങ്ങനെ മേലാല് എഴുതരുത്'' എന്ന കല്പ്പന അനുസരിക്കാന് തന്നെ കിട്ടില്ലെന്ന് വ്യക്തമാക്കിയ കവി സംഘപരിവാറിന് ഫേസ്ബുക്കിലെഴുതിയ മറുപടിക്കുറിപ്പില് 'ഭീഷണിയുടെ കത്തി മടക്കി പോക്കറ്റില് വയ്ക്കാനും' പറയുന്നുണ്ട്.
പ്രഭാവര്മയുടെ ഫേസ്ബുക്ക് പോസ്റ്റിന്റെ പൂര്ണരൂപം:
ഈ ലക്കം കലാകൗമുദിയില് വന്ന 'ഗീത, ദൈവദശകം, സന്ദീപാനന്ദഗിരി' എന്ന എന്റെ ലേഖനം മുന്നിര്ത്തി സംഘപരിവാര് ഭീഷണി. 9539251722 എന്ന നമ്പറില് നിന്നാണ് രാത്രി 8.20 ന് ആക്രോശം വന്നത്.
ഭഗവദ് ഗീതയെ കുറിച്ച് ഇങ്ങനെ മേലാല് എഴുതരുത് എന്നു കല്പന. ചാതുര്വര്ണ്യത്തെ സംരക്ഷിക്കുന്ന കൃതിയാണു ഗീത എന്നും അതുകൊണ്ടുതന്നെ ശ്രീനാരായണ ഗുരു ഗീതയെ പരാമര്ശിക്കുക പോലും ചെയ്തിട്ടില്ലെന്നും ഞാന് എഴുതിയിരുന്നു. ഗീതയെ പൂര്ണമായി ഉള്ക്കൊള്ളാനാവില്ലെന്നു സ്വാമി വിവേകാനന്ദന് പറഞ്ഞിട്ടുള്ളതും ഞാന് ലേഖനത്തില് ചൂണ്ടിക്കാട്ടിയിരുന്നു.
ഗീതയിലെവിടെയാണിത് എന്ന് ആക്രോശിച്ചു കൊണ്ടായിരുന്നു തുടക്കം തന്നെ. ഗീത വായിച്ചിട്ടുണ്ടോ താങ്കള് എന്നു ഞാന് ചോദിച്ചു. ' ചാതുര്വര്ണ്യം മയാ സൃഷ്ടം' എന്നതടക്കമുള്ള ശ്ലോകങ്ങള് ഞാന് ചൊല്ലി കേള്പ്പിച്ചു. ഒരു ശ്ലോകമെങ്കിലും ചൊല്ലാമോ എന്നു ഞാന് ചോദിച്ചു. വിവേകാനന്ദ സര്വ്വസ്വം എടുത്തു വായിക്കാന് അപേക്ഷിച്ചു. അയാള് ഗീത വായിച്ചിട്ടുണ്ടെന്നോ വിവേകാനന്ദ സര്വ്വസ്വം എന്നു കേട്ടിട്ടുണ്ടെന്നോ തോന്നിയില്ല. ആക്രോശമെവിടെ; ശ്ലോകമെവിടെ?
ഏതായാലും ഒരു കാര്യം തീര്ത്തു പറയാം. ഗീത വായിക്കാന് എനിക്കു സംഘ പരിവാര് തരുന്ന കണ്ണട വേണ്ട. എഴുതാന് എനിക്കു പരിവാറിന്റെ അനുവാദവും വേണ്ട. ഭീഷണിയുടെ കത്തി മടക്കി പോക്കറ്റില് വെച്ചാല് മതി! പിന്മാറുന്നവരുടെ നിരയില് പ്രഭാവര്മയെ പ്രതീക്ഷിക്കേണ്ട.
പ്രഭാവര്മ .
ചാതുര്വര്ണ്യത്തെ സംരക്ഷിക്കുന്നതിനാല് ശ്രീനാരായഗുരുവും സ്വാമി വിവേകാനന്ദനും ഭഗവത്ഗീതയോട് വിമര്ശനാത്മക സമീപനം സ്വീകരിച്ചിരുന്ന കാര്യം ലേഖനത്തില് പ്രതിപാദിച്ചതാണ് ഭീഷണിക്ക് കാരണമെന്ന് പ്രഭാവര്മ പറയുന്നു. ''ഭഗവദ് ഗീതയെ കുറിച്ച് ഇങ്ങനെ മേലാല് എഴുതരുത്'' എന്ന കല്പ്പന അനുസരിക്കാന് തന്നെ കിട്ടില്ലെന്ന് വ്യക്തമാക്കിയ കവി സംഘപരിവാറിന് ഫേസ്ബുക്കിലെഴുതിയ മറുപടിക്കുറിപ്പില് 'ഭീഷണിയുടെ കത്തി മടക്കി പോക്കറ്റില് വയ്ക്കാനും' പറയുന്നുണ്ട്.
പ്രഭാവര്മയുടെ ഫേസ്ബുക്ക് പോസ്റ്റിന്റെ പൂര്ണരൂപം:
ഈ ലക്കം കലാകൗമുദിയില് വന്ന 'ഗീത, ദൈവദശകം, സന്ദീപാനന്ദഗിരി' എന്ന എന്റെ ലേഖനം മുന്നിര്ത്തി സംഘപരിവാര് ഭീഷണി. 9539251722 എന്ന നമ്പറില് നിന്നാണ് രാത്രി 8.20 ന് ആക്രോശം വന്നത്.
ഭഗവദ് ഗീതയെ കുറിച്ച് ഇങ്ങനെ മേലാല് എഴുതരുത് എന്നു കല്പന. ചാതുര്വര്ണ്യത്തെ സംരക്ഷിക്കുന്ന കൃതിയാണു ഗീത എന്നും അതുകൊണ്ടുതന്നെ ശ്രീനാരായണ ഗുരു ഗീതയെ പരാമര്ശിക്കുക പോലും ചെയ്തിട്ടില്ലെന്നും ഞാന് എഴുതിയിരുന്നു. ഗീതയെ പൂര്ണമായി ഉള്ക്കൊള്ളാനാവില്ലെന്നു സ്വാമി വിവേകാനന്ദന് പറഞ്ഞിട്ടുള്ളതും ഞാന് ലേഖനത്തില് ചൂണ്ടിക്കാട്ടിയിരുന്നു.
ഗീതയിലെവിടെയാണിത് എന്ന് ആക്രോശിച്ചു കൊണ്ടായിരുന്നു തുടക്കം തന്നെ. ഗീത വായിച്ചിട്ടുണ്ടോ താങ്കള് എന്നു ഞാന് ചോദിച്ചു. ' ചാതുര്വര്ണ്യം മയാ സൃഷ്ടം' എന്നതടക്കമുള്ള ശ്ലോകങ്ങള് ഞാന് ചൊല്ലി കേള്പ്പിച്ചു. ഒരു ശ്ലോകമെങ്കിലും ചൊല്ലാമോ എന്നു ഞാന് ചോദിച്ചു. വിവേകാനന്ദ സര്വ്വസ്വം എടുത്തു വായിക്കാന് അപേക്ഷിച്ചു. അയാള് ഗീത വായിച്ചിട്ടുണ്ടെന്നോ വിവേകാനന്ദ സര്വ്വസ്വം എന്നു കേട്ടിട്ടുണ്ടെന്നോ തോന്നിയില്ല. ആക്രോശമെവിടെ; ശ്ലോകമെവിടെ?
ഏതായാലും ഒരു കാര്യം തീര്ത്തു പറയാം. ഗീത വായിക്കാന് എനിക്കു സംഘ പരിവാര് തരുന്ന കണ്ണട വേണ്ട. എഴുതാന് എനിക്കു പരിവാറിന്റെ അനുവാദവും വേണ്ട. ഭീഷണിയുടെ കത്തി മടക്കി പോക്കറ്റില് വെച്ചാല് മതി! പിന്മാറുന്നവരുടെ നിരയില് പ്രഭാവര്മയെ പ്രതീക്ഷിക്കേണ്ട.
പ്രഭാവര്മ .
(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )
Keywords: Sangh Pariwar threaten to poet Prabha Varma, Thiruvananthapuram, News, Religion, Politics, Phone call, Threatened, Facebook, Post, Kerala.
Keywords: Sangh Pariwar threaten to poet Prabha Varma, Thiruvananthapuram, News, Religion, Politics, Phone call, Threatened, Facebook, Post, Kerala.
Powered by Info News For You
Comments
Post a Comment