ട്രോളിംഗ് നിരോധനം ഇന്ന് അര്ദ്ധരാത്രിയോടെ അവസാനിക്കും
കൊല്ലം (www.evisionnews.co): കഴിഞ്ഞ 50ദിവസമായി തുടരുന്ന ട്രോളിംഗ് നിരോധനം ഇന്ന് അര്ദ്ധരാത്രിയോടെ അവസാനിക്കും. മത്സ്യബന്ധന ബോട്ടുകളുമായി കടലില് പോകാനുള്ള ഒരുക്കത്തിലാണ് ഇന്ന് മല്സ്യ തൊഴിലാളികള്. എന്നാല് ഡീസല് വിലയുടെ വര്ദ്ധനവ് തൊഴിലാളികളെ നന്നായി അലട്ടുന്നുണ്ട്. ജൂണ് പത്തിനായിരുന്നു ട്രോളിംഗ് നിരോധനം നിലവില് വന്നത്. ഇത്തവണ മഴ ധാരാളമായി ലഭിച്ചതിനാല് ചാകര ഉണ്ടാകും എന്ന പ്രതീക്ഷയിലാണ് തൊഴിലാളികള്. നിരോധനം കഴിഞ്ഞ് ചുരുങ്ങിയത് മൂന്ന് ദിവസം കഴിഞ്ഞാല് മാത്രമെ മത്സ്യമാര്ക്കറ്റുകള് ഉണരുകയുള്ളു. കണവ, ചെമ്മീന് തുടങ്ങിയവയാണ് നിരോധനം കഴിഞ്ഞാല് ആദ്യം ലഭിക്കുന്ന മത്സ്യങ്ങള്. ഇവയ്ക്കായി പ്രത്യേക വലകളും ഉപയോഗിക്കുന്നത്.
Powered by Info News For You

Comments
Post a Comment