കെ.എസ്.ടി.പി റോഡില് കാര് തലകീഴായി മറിഞ്ഞ് യുവാവ് അത്ഭുതകരമായി രക്ഷപ്പെട്ടു
കാസര്കോട് (www.evisionnews.co); കാസര്കോട്- കാഞ്ഞങ്ങാട് കെ.എസ്.ടി.പി റോഡില് നിയന്ത്രണംവിട്ട കാര് തലകീഴായി മറിഞ്ഞു. അപകടത്തില് യുവാവ് അത്ഭുതകരമായി രക്ഷപ്പെട്ടു. കെ.എസ്.ടി.പി റോഡില് ചളിയങ്കോട്ട് ഞായറാഴ്ച രാവിലെയാണ് അപകടമുണ്ടായത്. ചെമ്മനാട് കൊമ്പനടുക്കം സ്വദേശി ഹാഷിമായിരുന്നു കാറോടിച്ചിരുന്നത്. ഹാഷിം നിസാര പരിക്കുകളോടെ രക്ഷപ്പെടുകയായിരുന്നു. തലേദിവസം വിവാഹിതനായ ഹാഷിം ഭാര്യാവീട്ടില് നിന്നും സ്വന്തം വീട്ടിലേക്ക് മടങ്ങുമ്പോഴായിരുന്നു അപകടമുണ്ടായത്. സമീപത്തെ പോസ്റ്റിലിടിച്ച കാര് തലകീഴായി മറിയുകയായിരുന്നു. അപകടത്തെ തുടര്ന്ന് അല്പനേരം കെ.എസ്.ടി.പി റോഡില് ഗതാഗതം തടസപ്പെട്ടു. യാതൊരു സുരക്ഷാ സംവിധാവുമില്ലാത്ത കെഎസ്ടിപി റോഡില് വാഹനങ്ങള് അപകടത്തില്പെടുന്നത് പതിവാണെന്ന് നാട്ടുകാര് പറയുന്നു.
Powered by Info News For You
Comments
Post a Comment