ആന്ധ്രയില്‍ നിന്നും കഞ്ചാവെത്തിച്ച് വില്‍പന നടത്തുന്ന മലയാളി ഉള്‍പെടെ രണ്ടംഗ സംഘം മംഗളൂവില്‍ പിടിയില്‍; 2.39 ലക്ഷം രൂപയുടെ കഞ്ചാവ് പിടികൂടി

മംഗളൂരു: (www.kasargodvartha.com 20.05.2018) ആന്ധ്രയില്‍ നിന്നും കഞ്ചാവെത്തിച്ച് വില്‍പന നടത്തുന്ന മലയാളി ഉള്‍പെടെ രണ്ടംഗ സംഘം മംഗളൂവില്‍ പിടിയിലായി. കണ്ണൂര്‍ കടച്ചിറ കയോടിലെ ജുനൈദ് (30), പുത്തൂര്‍ ബളന്തൂരിലെ അബ്ദുല്‍ കരീം (25) എന്നിവരെയാണ് മംഗളൂരു സിറ്റി ക്രൈംബ്രാഞ്ച് പിടികൂടിയത്. ഇവരെ പിന്നീട് കദ്രി പോലീസിന് കൈമാറി.

വിദ്യാര്‍ത്ഥികള്‍ക്കും മറ്റും കഞ്ചാവെത്തിച്ചുകൊടുക്കുന്ന സംഘമാണ് പിടിയിലായത്. കഞ്ചാവ് വിറ്റഴിക്കാന്‍ ശ്രമിക്കുന്നതിനിടെ മംഗളൂരു പംപ് വെല്‍ ഒമേഗ ആശുപത്രിക്ക് സമീപം വെച്ചാണ് ഇരുവരെയും പിടികൂടിയത്. ഇവരില്‍ നിന്നും 2.39 ലക്ഷം രൂപ വിലവരുന്ന 9.5 കിലോ കഞ്ചാവും രണ്ട് സെല്‍ഫോണുകളും പിടിച്ചെടുത്തു.

ബംഗളൂരുവില്‍ താമസക്കാരനാണ് കണ്ണൂര്‍ സ്വദേശിയായ ജുനൈദ്. ബെല്ലാരെ പോലീസ് സ്റ്റേഷനില്‍ കവര്‍ച്ചയടക്കം രണ്ടു കേസുകളില്‍ പ്രതിയാണ് അബ്ദുല്‍ കരീം. സി.ബി.ബി ഇന്‍സ്‌പെക്ടര്‍ കെ. ശ്രീനിവാസ്, പോലീസ് സബ് ഇന്‍സ്‌പെക്ടര്‍മാരായ ശ്യാം സുന്ദര്‍ എച്ച് എം, കബ്ബല്‍ രാജ് എന്നിവരുടെ നേതൃത്വത്തിലാണ് കഞ്ചാവ് കടത്ത് പിടികൂടിയത്.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Kasaragod, Kerala, news, Top-Headlines, arrest, Police, Mangalore,  Ganja trafficking from Andhra Pradesh, two accused arrested < !- START disable copy paste -->


Powered by Info News For You

Comments

Popular posts from this blog

ദേവസ്വം മന്ത്രിയുടെ 'ഭക്തി' വീണ്ടും വൈറല്‍, ഇത്തവണ ആരാധന സായിബാബയോട്, ബാബയുടെ ചിത്രത്തിനു മുന്നില്‍ തൊഴുകൈകളോടെ കടകംപള്ളി, ഫോട്ടോ വൈറലാകുന്നു

സിനിമ ചിത്രീകരണത്തിനിടെ നടി മഞ്ജു വാര്യര്‍ക്ക് പരിക്ക്

പുത്തുമലയില്‍ വീണ്ടും മണ്ണിടിച്ചില്‍; കള്ളാടിയില്‍ മണ്ണിടിഞ്ഞ് ഗതാഗതം തടസപ്പെട്ടതിനാല്‍ വഴിയില്‍ കുടുങ്ങി രക്ഷാപ്രവര്‍ത്തകര്‍; ദുരന്തത്തില്‍ മരിച്ചവരുടെ എണ്ണം 9, ചെളിക്കൂമ്പാരത്തില്‍ കുടുങ്ങി ഇനിയും എത്രപേര്‍?