ചുവടുമാറ്റി പോലീസ്; ലിഗയുടെ മരണം കൊലപാതകം തന്നെ? ശ്വാസം മുട്ടി മരിച്ചതാകാമെന്ന് ഡോക്ടര്‍മാര്‍

തിരുവനന്തപുരം: (www.kvartha.com 25.04.2018) ദുരൂഹതയേറി വിദേശ വനിത ലിഗയുടെ മരണം. മരണം ശ്വാസംമുട്ടിയാകാമെന്നു ഡോക്ടര്‍മാര്‍ പോലീസിനെ അറിയിച്ചു. മെഡിക്കല്‍ കോളജിലെ ഫൊറന്‍സിക് ഡോക്ടര്‍മാരാണ് ഇക്കാര്യം അറിയിച്ചത്. ഇക്കാര്യത്തില്‍ അന്തിമ നിഗമനം രണ്ടു ദിവസത്തിനകം അറിയിക്കാമെന്നും ഡോക്ടര്‍മാര്‍ അറിയിച്ചിട്ടുണ്ട്. മാനഭംഗം നടന്നിട്ടില്ലെന്നും നിഗമനമുണ്ട്.

മൃതദേഹം കണ്ടെത്തി ആറ് ദിവസമാകുമ്പോഴും ദുരൂഹതകള്‍ നീക്കാനാവാതെ അന്വേഷണസംഘം വലയുകയാണ്. മരണകാരണം വ്യക്തമാക്കുന്ന പോസ്റ്റുമോര്‍ട്ടം റിപ്പോര്‍ട്ടടക്കമുള്ള പരിശോധനാഫലങ്ങള്‍ വൈകുന്നതാണു പ്രധാന കാരണം. കേസില്‍ നിര്‍ണായകമാകുന്ന പോസ്റ്റുമോര്‍ട്ടം റിപ്പോര്‍ട്ട് ബുധനാഴ്ച ലഭിക്കുമെന്നാണു പ്രതീക്ഷ. പുതിയ സാഹചര്യത്തില്‍ കൊലപാതക സാധ്യത തള്ളാതെ പോലീസ് അന്വേഷണം തുടങ്ങി.

ഇ​തി​ന്റെ ഭാ​ഗ​മാ​യി മൃ​ത​ദേ​ഹം കാ​ണ​പ്പെ​ട്ട കോ​വ​ളം വാ​ഴ​മു​ട്ട​ത്തെ ക​ണ്ടൽ​കാ​ട് പ്ര​ദേ​ശ​മായ ചെ​ന്തി​ലാ​ക്ക​രി​യിൽ ഉൾ​പ്പെ​ടെ പ​തി​വാ​യി എ​ത്തു​ന്ന ചി​ല​രെ ചോ​ദ്യം ചെ​യ്യാ​നാ​യി ക​സ്റ്റ​ഡി​യി​ലെ​ടു​ത്തു. അ​തേ​സ​മ​യം അ​ന്വേ​ഷ​ണം മു​റു​കി​യ​തോ​ടെ പ്ര​ദേ​ശ​വാ​സി​ക​ളും മ​യ​ക്കു​മ​രു​ന്ന് ഇ​ട​പാ​ടു​കാ​രു​മായ ര​ണ്ട് യു​വാ​ക്കൾ പ്ര​ദേ​ശ​ത്ത് നി​ന്ന് അ​പ്ര​ത്യ​ക്ഷ​രാ​യി. ഇ​വ​രു​ടെ തി​രോ​ധാ​ന​ത്തി​ന് ലി​ഗ​യു​ടെ മ​ര​ണ​വു​മാ​യി ബ​ന്ധ​മു​ണ്ടോ​യെ​ന്ന് പോലീ​സ് അ​ന്വേ​ഷി​ക്കു​ന്നു​ണ്ട്.

ശ്വാ​സം മു​ട്ടി​യാ​ണ് മ​ര​ണ​മെ​ന്ന് ഉ​റ​പ്പി​ച്ചെ​ങ്കി​ലും കൃ​ത്യ​ത്തി​ന് പി​ന്നി​ലാ​രാ​ണെ​ന്ന് ക​ണ്ടെ​ത്താൻ പോലീ​സി​ന് ക​ഴി​ഞ്ഞി​ട്ടി​ല്ല. ഇ​തി​ന്റെ ഭാ​ഗ​മാ​യി പ​ന​ത്തുറ പു​നം​തു​രു​ത്തി​ലെ ചെ​ന്തി​ലാ​ക്ക​രി​യി​ലേ​ക്കു​ള്ള വ​ഴി​യി​ലും ക​ട​ത്തു​ക​ട​വി​ലും താ​മ​സി​ക്കു​ന്ന​വ​രേ​യും ക​യർ തൊ​ഴി​ലാ​ളി​ക​ളേ​യും പോലീ​സ് ആ​വർ​ത്തി​ച്ച് ചോ​ദ്യം ചെ​യ്യു​ന്നു​ണ്ട്. ചീ​ട്ടു​ക​ളി​ക്കാ​നും മ​റ്റും ചെ​ന്തി​ല​ക്ക​രി​യിൽ വ​രാ​റു​ള്ള ഏ​താ​നും യു​വാ​ക്ക​ളെ പോലീ​സ് ക​ഴി​ഞ്ഞ​ദി​വ​സ​ങ്ങ​ളിൽ ചോ​ദ്യം ചെ​യ്ത് വി​ട്ട​യ​ച്ചി​രു​ന്നെ​ങ്കി​ലും ശ്വാ​സം മു​ട്ടി​യാ​ണ് മ​ര​ണ​മെ​ന്ന റി​പ്പോർ​ട്ട് പു​റ​ത്താ​യ​തോ​ടെ ഇ​വ​രെ വീ​ണ്ടും വ​രു​ത്തി മൊ​ഴി​യെ​ടു​ക്കു​ന്നു​ണ്ട്.

മൃ​ത​ദേ​ഹം ക​ണ്ടെ​ത്തിയ വി​വ​രം പു​റം ലോ​ക​ത്തെ അ​റി​യി​ച്ച മീൻ​പി​ടി​ക്കാ​നെ​ത്തിയ യു​വാ​ക്ക​ളു​ടെ സം​ഘ​ത്തെ​യും പോലീ​സ് വീ​ണ്ടും ചോ​ദ്യം ചെ​യ്യു​ന്നു​ണ്ട്. ലിഗ ക​ട​വി​ലേ​ക്ക് ന​ട​ന്നു​പോ​കു​ന്ന​തും കാ​യ​ലിൽ കു​ളി​ക്കു​ന്ന​തും ക​ണ്ട​താ​യി സ​മീ​പ​വാ​സി​യായ സ്ത്രീ പ​റ​ഞ്ഞി​രു​ന്നു​വെ​ന്ന യു​വാ​ക്ക​ളു​ടെ വെ​ളി​പ്പെ​ടു​ത്ത​ലി​ന്റെ അ​ടി​സ്ഥാ​ന​ത്തിൽ ഇ​വ​രെ​യും വി​ശ​ദ​മാ​യി ചോ​ദ്യം ചെ​യ്യാൻ വി​ളി​പ്പി​ച്ചി​ട്ടു​ണ്ട്. എ​ന്നാൽ ലി​ഗ​യെ ക​ണ്ട വി​വ​രം ഇ​വർ പോലീ​സി​നോ​ട് നി​ഷേ​ധി​ച്ച​താ​യാ​ണ് സൂ​ച​ന.

ലി​ഗ​യെ മ​രി​ച്ച നി​ല​യിൽ ക​ണ്ടെ​ത്തിയ സ്ഥ​ലം മ​യ​ക്കു​മ​രു​ന്ന് ഉ​പ​യോ​ഗി​ക്കു​ന്ന​വ​രു​ടെ കേ​ന്ദ്ര​മാ​ണ്. ഇ​വി​ടു​ത്തെ മ​യ​ക്കു​മ​രു​ന്ന്, മ​ദ്യ​പാന സം​ഘ​ത്തെ ചു​റ്റി​പ്പ​റ്റി​യാ​ണ് അ​ന്വേ​ഷ​ണം മു​ന്നേ​റു​ന്ന​ത്. ചെ​ന്തി​ലാ​ക്ക​രി​യ്ക്ക് എ​തിർ​വ​ശ​മു​ള്ള വെ​ള്ള​ച്ചിറ മാ​റ​യെ​ന്ന സ്ഥ​ല​വും മ​യ​ക്കു​മ​രു​ന്ന് ഉ​പ​യോ​ഗി​ക്കു​ന്ന​വ​രു​ടെ സ​ങ്കേ​ത​മാ​ണ്. മ​യ​ക്കു​മ​രു​ന്ന് കു​ത്തി​വ​യ്ക്കാ​നും മ​റ്റും നി​ര​വ​ധി പേർ ക്യാ​മ്പ് ചെ​യ്യാ​റു​ള്ള ഇ​വി​ടെ ബീ​ച്ചിൽ നി​ന്നും വി​ദേ​ശി​ക​ളുൾ​പ്പെ​ടെ​യു​ള്ള​വ​രെ വ​ശീ​ക​രി​ച്ചെ​ത്തി​ക്കു​ന്ന​വ​രെ ക​ണ്ടെ​ത്താ​നു​ള്ള അ​ന്വേ​ഷ​ണ​വും ന​ട​ന്നു​വ​രി​ക​യാ​ണ്.

വി​ഷാദ രോ​ഗ​ത്തി​ന് അ​ടി​മ​യായ ലി​ഗ​യെ കോ​വ​ളം ബീ​ച്ചിൽ ചു​റ്റി​തി​രി​യു​മ്പോ​ഴോ ഏ​ക​യാ​യി കാ​ണ​പ്പെ​ട്ട​പ്പൊ​ഴോ സൗ​ഹൃ​ദം ന​ടി​ച്ചെ​ത്തിയ ആ​രെ​ങ്കി​ലു​മാ​കാം ദു​രു​ദ്ദേ​ശ​ത്തോ​ടെ അ​വ​രെ വ​ശീ​ക​രി​ച്ച് വി​ജ​ന​മായ പൂ​നം​തു​രു​ത്തി​ലേ​ക്ക് കൂ​ട്ടി​ക്കൊ​ണ്ടു​വ​ന്ന​ത്. എ​ന്നാൽ മാ​ന​സിക പ്ര​ശ്ന​ങ്ങ​ളു​ണ്ടെ​ങ്കി​ലും അ​ക്രമ സ്വ​ഭാ​വ​മൊ​ന്നും പ്ര​ക​ടി​പ്പി​ക്കാ​ത്ത പ്ര​കൃ​ത​ക്കാ​രി​യായ ലി​ഗ​യെ കൊ​ല​പ്പെ​ടു​ത്താ​നു​ള്ള കാ​ര​ണ​മെ​ന്താ​ണെ​ന്ന​ത് പോലീ​സി​ന് ഇ​പ്പോ​ഴും വ്യ​ക്ത​മാ​യി​ട്ടി​ല്ല.

ലി​ഗ​യു​ടെ പ​ക്കൽ പ​ണ​മോ ആ​ഭ​ര​ണ​ങ്ങ​ളോ ഉ​ണ്ടാ​യി​രു​ന്നി​ല്ല. ക​വർ​ച്ച ല​ക്ഷ്യ​മാ​ക്കി​യ​ല്ല കൃ​ത്യ​മെ​ന്ന് ഇ​തിൽ നി​ന്ന് ഊ​ഹി​ക്കാം. ലി​ഗ​യു​ടെ ശ​രീ​ര​ത്ത് പു​റ​മേ പ​രി​ക്കു​ക​ളോ ഒ​ടി​വു​ക​ളോ ക​ണ്ടെ​ത്തി​യി​ട്ടി​ല്ല. മാ​ന​ഭംഗ ശ്ര​മ​വു​മു​ണ്ടാ​യി​ട്ടി​ല്ല. അ​പാ​യ​പ്പെ​ടു​ത്താ​നു​ള്ള ഇ​ത്ത​രം സാ​ദ്ധ്യ​ത​ക​ളൊ​ന്നും ഉ​ണ്ടാ​യി​ട്ടി​ല്ലാ​ത്ത സാ​ഹ​ച​ര്യ​ത്തിൽ ലി​ഗ​യെ കൊ​ല​പ്പെ​ടു​ത്തി​യ​ത് എ​ന്തി​നെ​ന്ന ചോ​ദ്യ​ത്തി​നാ​ണ് പോലീ​സി​ന് ഉ​ത്ത​രം ക​ണ്ടെ​ത്തേ​ണ്ട​ത്. ഐ.​ജി മ​നോ​ജ് എ​ബ്ര​ഹാ​മി​ന്റെ നേ​രി​ട്ടു​ള്ള മേൽ​നോ​ട്ട​ത്തി​ലാ​ണ് അ​ന്വേ​ഷ​ണം.

നേരത്തെ ലിഗ ആത്മഹത്യ ചെയ്തിരിക്കാമെന്നു പോലീസ് പറയുമ്പോള്‍ കൊലപാതകമെന്ന ഉറച്ച വിശ്വാസത്തിലായിരുന്നു അവരുടെ കുടുംബം. അതിനു പ്രധാനമായും മൂന്നു സംശയങ്ങളാണ് ഉന്നയിക്കുന്നത്.

1. നാട്ടുകാര്‍ പോലും പോകാത്ത കണ്ടല്‍ക്കാടിനുള്ളില്‍ സ്ഥലപരിചയമൊട്ടുമില്ലാത്ത ലിഗ എങ്ങനെയെത്തി. വിശ്വാസം നടിച്ച് ആരെങ്കിലും കൂട്ടിക്കൊണ്ടുപോയി കൊലപ്പെടുത്തിയെന്നാണ് ആരോപണം.

2.ലിഗയെ കാണാതാകുമ്പോള്‍ ധരിച്ചിട്ടില്ലാത്ത ജാക്കറ്റ് മൃതദേഹത്തില്‍ എങ്ങനെ വന്നു.

3. മൃതദേഹത്തിന്റെ കഴുത്ത് വേര്‍പ്പെട്ടത് എങ്ങനെ...?

ഈ സംശയങ്ങളുടെ ഉത്തരം തേടിയാണു പോലീസിന്റെയും അന്വേഷണം. ലിഗ ഓട്ടോയിലെത്തിയ കോവളം ബീച്ചില്‍നിന്ന് അരമണിക്കൂര്‍കൊണ്ടു നടന്നും വള്ളത്തിലൂടെയും മൃതദേഹം കണ്ടെത്തിയ കാട്ടിലെത്താനാവുമെന്ന് പോലീസ് പറയുന്നു.

ഇങ്ങനെ ചില ടൂറിസ്റ്റുകള്‍ വരാറുണ്ടെന്നും വിഷാദരോഗമുള്ള ലിഗ ആത്മഹത്യ ചെയ്യാനുറച്ച് ഇവിടെയെത്തിയിരിക്കാമെന്നും പോലീസ് വിലയിരുത്തുന്നു. മൃതദേഹത്തില്‍ കണ്ട ജാക്കറ്റില്‍ മെയ്ഡ് ഇന്‍ ചൈന എന്നെഴുതിയിട്ടുണ്ട്. അത്തരം ജാക്കറ്റുകള്‍ കോവളത്തെ ഒട്ടേറെ കടകളിലുണ്ട്. ഓട്ടോയിലെത്തിയശേഷം ലിഗ വാങ്ങിയിട്ടുണ്ടാകാമെന്നും അത് അന്വേഷിക്കുകയാണെന്നും പോലീസ് പറയുന്നു.

മൃതദേഹത്തിന്റെ കാലപ്പഴക്കം മൂലം ശരീരം അഴുകിയാണു തല വേര്‍പ്പെട്ടത്. മുറിഞ്ഞതല്ലെന്നു പോസ്റ്റുമോര്‍ട്ടം ചെയ്ത ഡോക്ടര്‍ അറിയിച്ചതിനാല്‍ അതില്‍ ദുരൂഹതയില്ല. സംശയങ്ങളും വിലയിരുത്തലുകളും ഇങ്ങനെ നീളുമ്പോള്‍ ഉത്തരം ലഭിക്കേണ്ടതു പോസ്റ്റുമോര്‍ട്ടം റിപ്പോര്‍ട്ടിലൂടെയാണ്. ശരീരം പകുതിയിലേറെയും അഴുകിയതിനാല്‍ പോസ്റ്റുമോര്‍ട്ടത്തിലൂടെ മരണകാരണം കൃത്യമായി അറിയാനാകുമോയെന്നും ആശങ്കയുണ്ട്.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )

Keywords: Police not ruling out murder of Liga,Thiruvananthapuram, News, Trending, Murder case, Police, Probe, Kerala.

Powered by Info News For You