ഹാദിയയുടെ വിവാഹം പരസ്പര സമ്മതത്തോടെ; മാനഭംഗക്കേസല്ല: സുപ്രീംകോടതി
ന്യൂഡല്ഹി: ഹാദിയയുടേത് പരസ്പര സമ്മതത്തോടെയുള്ള വിവാഹമാണെന്ന് സുപ്രീംകോടതി. നല്കിയിരിക്കുന്നത് മാനഭംഗക്കേസല്ല. വിദേശ റിക്രൂട്ട്മെന്റ് നടക്കുന്നതായി വിവരമുണ്ടെങ്കില് ഇടപെടേണ്ടത് സര്ക്കാരാണ്. ഹാദിയയെ വീട്ടുതടങ്കലില് പീഡിപ്പിച്ചെന്ന ആരോപണത്തില് അച്ഛന് മറുപടി നല്കണമെന്നും സുപ്രീംകോടതി ആവശ്യപ്പെട്ടു. എന്ഐഎയ്ക്കും മറുപടി നല്കാന് സമയം നല്കിയിട്ടുണ്ട്. അതേസമയം രാഹുല് ഈശ്വരനെതിരെ ഉന്നയിച്ച ആരോപണങ്ങള് ഹാദിയ പിന്വലിച്ചു. കേസ് പരിഗണിക്കുന്നത് കോടതി മാര്ച്ച് എട്ടിലേക്കു മാറ്റി.
കേസ് പരിഗണിക്കുന്നതു നീട്ടിവയ്ക്കണമെന്ന പിതാവ് അശോകന്റെ ആവശ്യം സുപ്രീംകോടതി നേരത്തെ തള്ളിയിരുന്നു. മാതാപിതാക്കള്ക്കും എന്ഐഎയ്ക്കുമെതിരെ ഗുരുതര ആരോപണങ്ങള് ഉന്നയിച്ചു ഹാദിയ നല്കിയ സത്യവാങ്മൂലത്തിനു മറുപടി നല്കാന് കൂടുതല് സമയം വേണമെന്നും കേസ് നീട്ടണമെന്നുമായിരുന്നു അശോകന്റെ ആവശ്യം.
Powered by Info News For You
Comments
Post a Comment